Dekabr ayının 23-də Ağcabədi rayon Heydər Əliyev Mərkəzində Ağcabədi şəhər sakinləri 14.07.1983-cü il təvəllüdlü Babayev Xalid Qurban oğlu ilə 01.10.1995-ci il təvəllüdlü Süleymanova Təhminə Müşrəvan qızının nigah mərasimi keçirilmişdir.
Öncə ailə quran gənc cütlük Ağcabədi Rayon Heydər Əliyev Meydanında Ulu Öndərin əzəmətli abidəsini ziyarət etmiş, önünə tər çiçək dəstələri qoymuş və onun əziz xatirəsini yad etmişlər.
Daha sonra gənclərin nigaha daxil olma mərasimi Heydər Əliyev Mərkəzində davam etdirilmişdir. Nigahdan sonra gənc ailəyə qiymətli hədiyyə təqdim olunmuş və onlara ömür boyu sürən xoşbəxtlik arzulanmışdır.
Yekunda yeni ailə quran gənclərlə xatirə fotosu çəkilmişdir.
Ağcabədi rayon Heydər Əliyev Mərkəzi 