19 yanvar 2016-cı il tarixində H.Əliyev adına Boyad kənd tam orta məktəbin şagirdləri Heydər Əliyev Mərkəzində oldular.
Məktəblilər əvvəlcə Heydər Əliyev Meydanında Ulu Öndərin əzəmətli abidəsini ziyarət edib, önünə tər – çiçək dəstələri düzərək Onun əziz xatirəsini yad etdilər.
Sonra Heydər Əliyev Mərkəzinə gələn şagirdlər foyedə Dahi Liderimizin fəaliyyətini əks etdirən kitab və jurnalların sərgisi ilə, həmçinin Mərkəzdə fəaliyyət göstərən dərnək üzvlərinin əl işləri ilə tanış oldular.
18 Yanvar 2016-cı il tarixində 20 Yanvar faciəsinin 26-cı ildönümü ilə əlaqədar olaraq Ağcabədi rayon Heydər Əliyev Mərkəzində tədbir keçirildi. Tədbir iştirakçıları əvvəlcə 20 Yanvar faciəsini özündə əks etdirən “Azadlığa gedən yol” adlı sərgi ilə tanış oldular.
Daha sonra tədbir iştirakçıları tərəfindən şəhidlərimizin xatirəsi bir dəqiqəlik sükutla anıldı. Azərbaycan Dövlət Himninin səsləndirilməsindən sonra tədbirin ikinci hissəsini açıq elan edən Heydər Əliyev Mərkəzinin direktoru Məhsəti Ağayeva Azərbaycan xalqının azadlıq uğrunda apardığı mübarizələr haqqında qısa məlumat verərək qan bahasına əldə etdiyimiz müstəqillyin qorunmasında hər bir vətəndaşın, xüsusilə təbliğat işində ziyalıların çiyninə çox böyük vəzifə düşdüyünü bildirdi.
Ağcabədi rayon Heydər Əliyev Mərkəzi 