1997-ci il fevralın 25-də “Xocalı soyqırımı qurbanlarının xatirəsinə sükut dəqiqəsi elan edilməsi haqqında” Prezident Heydər Əliyevin imzaladığı fərmana uyğun olaraq 26.02.2016-cı il tarixdə Ağcabədi rayonunda Xocalı soyqrımı qurbanları bir dəqiqəlik sükutla yad edildi.
25 fevral 2016-cı il tarixdə Xocalı soyqırımının 24-cü ildönümü ilə bağlı olaraq Heydər Əliyev Mərkəzinin binasının qarşısında açıq havada sərgi təşkil edilib. Gün ərzində davam edən sərgi zamanı vətənpərvərlik və döyüş ruhlu musiqilərin sədası altında Heydər Əliyev Mərkəzində təşkil edilmiş “Xocalı harayı” adlı müsabiqədə iştirak edən şagirdlərin çəkdiyi rəsmlər, faciəni əks etdirən fotoşəkillər sərgilənib.
Müxtəlif idarə, müəssisə və təşkilat nümayəndələri, məktəblilər, tələbələr, şəhər əhalisi sərgi ilə tanış olduqdan sonra “Soyqırımlarına son!” şüarı yazılmış lövhəyə imzalarını atmışlar.
25 fevral 2016-cı il tarixdə M.Füzuli adına Yeni Qaradolaq kənd tam orta məktəbinin şagirdləri Heydər Əliyev Mərkəzində oldular.
Məktəblilər əvvəlcə Mərkəzin önündə Xocalı soyqırımına həsr olunmuş sərgi ilə, daha sonra foyedə Dahi Liderimizə həsr olunmuş kitabların sərgisi ilə, o cümlədən Mərkəzdə fəaliyyət göstərən dərnək üzvlərinin əl işləri ilə tanış oldular. Ekspozisiya zalında şagirdlərə Ulu öndər Heydər Əliyevin həyat və fəaliyyətini əks etdirən eksponatlar əsasında geniş, dolğun məlumat verildi.
Heydər Əliyev Mərkəzində Xocalı soyqırımına həsr edilmiş silsilə tədbirlər davam edir. 24 fevral 2016-cı il tarixdə Heydər Əliyev Mərkəzində fəaliyyət göstərən “Həvəskar aktyorluq” dərnəyinin üzvlərinin və Ağcabədi Pedoqoji Kollecinin tələbələrinin iştirakı ilə “Xocalı soyqırımı”nın 24-cü ildönümü ilə bağlı olaraq Heydər Əliyev Meydanında fləşmob keçirilib.
24 Fevral 2016-cı il tarixdə Heydər Əliyev Mərkəzinin, Gənclər və İdman İdarəsinin, Yeni Azərbaycan Partiyası Ağcabədi rayon təşkilatının, “Heydər Əliyev Siyasi İrsinin öyrənilməsi və təbliği qurupu”nun və Ağcabədi Pedoqoji kollecinin təşkilatçılığı ilə Heydər Əliyev Mərkəzində “Xocalı soyqırımı əsrin faciəsi – xalqımızın qan yaddaşıdır” başlığı altında tədbir keçirilmişdir. Öncə Xocalı soyqırımı qurbanlarının xatirəsi bir dəqiqəlik sükutla yad edildi.
Xocalı soyqırımının 24-cü ildönümü ilə bağlı olaraq Heydər Əliyev Mərkəzində silsilə tədbirlər həyata keçirilir.
19 fevral 2016-cı il tarixdən 23 fevral 2016-cı il tarixədək Heydər Əliyev Mərkəzində fəaliyyət göstərən “Həvəskar aktyorluq”, “Xalçaçılıq”, “Rəssamlıq”, “Tikiş”, “Toxuculuq” və “Maraqlar üzrə əl işləri” dərnəklərinin ilk 15 dəqiqəsi tədbirlər planına uyğun olaraq Xocalı soyqırımına həsr edilib. Heydər Əliyev Mərkəzinin əməkdaşları və dərnək rəhbərləri Xocalı soyqırımı haqqında dərnək üzvlərinə ətraflı məlumat verərək, 1992-ci il fevralın 25-dən 26-na keçən gecə Ermənistan silahlı qüvvələri və Rusiyanın 366-cı motoatıcı alayının iştirakı ilə Xocalı şəhərində törətdiyi vəhşiliklərdən danışıblar.
20 fevral 2016-cı il tarixdə Ağcabədi rayon İcra Hakimiyyətinin, GTM Qarabağ ofisinin, Yeni Azərbaycan Partiyası Ağcabədi rayon təşkilatının, Heydər Əliyev Mərkəzinin və Təhsil Şöbəsinin birgə təşkilatçılığı ilə Üzeyir Hacıbəyli adına Qarabağ Muğam Mərkəzində “Qarabağ tariximizi öyrənirik – Xocalı” adlı intellektual yarış keçirilib.
Tədbir Dövlət himninin səsləndirilməsi ilə başlanıb. Xocalı soyqırımı zamanı həlak olan insanların əziz xatirəsi 1 dəqiqəlik sükutla yad edilib.
20 fevral 2016-cı il tarixdə Heydər Əliyev Mərkəzində fəaliyyət göstərən “Xalçaçılıq” və “Rəsm” dərnəklərində növbəti dərslər keçilib. Hər iki dərsin ilk 15 dəqiqəsi tədbirlər planına uyğun olaraq Xocalı soyqırımına həsr olunub. Dərnək rəhbərləri və Mərkəzin əməkdaşları tərəfindən dərnək üzvlərinə ətraflı məlumat verilib, Xocalı faciəsindən danışılıb.
19 fevral 2016-cı il tarixdə “Həvəskar aktyorluq” dərnəyində növbəti dərs keçilib. Dərsin ilk 15 dəqiqəsi tədbirlər planına uyğun olaraq Xocalı soyqırımına həsr olunub. Dərnəyin rəhbəri Gündüz Sevindik və Heydər Əliyev Mərkəzinin böyük elmi işçisi Fariz Bünyatov dərnək üzvlərinə soyqırımı haqqında məlumat verərək, 1992-ci il fevralın 26-da Xocalıda ermənilərin törətdikləri vəhşiliklərdən danışıblar. Xocalı qurbanlarının xatirəsi dərnək iştirakçıları tərəfindən anılıb.
Ağcabədi rayon Heydər Əliyev Mərkəzi 