“Əhalinin özünüməşğulluğunun təmin olunması sahəsində əlavə tədbirlər haqqında” Azərbaycan Respublikasının Prezidentinin 2016-cı il 7 aprel tarixli 1941 nömrəli Sərəncamınının icrasını təmin etmək məqsədilə 17 avqust 2016-cı il tarixində Ağcabədi rayon Heydər Əliyev Mərkəzində Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Ağcabədi rayon Məşğulluq Mərkəzi tərəfindən təlimlərə başlanılmış və 4 həftədir ki, ardıcıl olaraq davam edir.
Beynəlxalq Əmək Təşkilatının müvafiq sertifikatı ilə təmin olunmuş təlimçilər tərəfindən həyata keçirilən treninqlərin əsas məqsədi Ağcabədi rayon Məşğulluq Mərkəzində işsiz və işaxtaran kimi qeydiyyatda olan vətəndaşların məşğulluq imkanlarının genişləndirilməsi, əmək bazarında rəqabət qabiliyyətinin artırılmasıdır.
10 senyabr 2016-cı il tarixdə keçirilən təlimin 8-ci dərsində kursa cəlb olunan işaxtaran və işsiz vətəndaşların vergi sahəsi ilə bağlı suallarının cavablandırılması üçün, 8 saylı Ərazi Vergilər İdarəsinin əməkdaşı Bəhruz Bünyatov dəvət olunmuş və bu sahə üzrə mütəxəssis tərəfindən təlim iştirakçıları ətraflı məlumatlandırılmışdır.
Qeyd edək ki, 5 həftə ərzində davam edəcək təlimlərdə davamlı olaraq iştirak etmiş, təlim kurslarını müvəffəqiyyətlə başa vuraraq biznes-plan hazırlamaq bacarığına yiyələnmiş şəxslər öz biznes layihələrini həyata keçirmək məqsədilə Əmək və Əhalinin Sosial Müdafiəsi Nazirliyi tərəfindən müvafiq avadanlıq və mal-qara ilə təmin olunacaqlar.
Ağcabədi rayon Heydər Əliyev Mərkəzi 
Salam,2017 çi ilden sizin idarədə işsiz kimi qeydiyyatdayam lakin hele de bir işlə təmin olunmamış an,imkanınız olsa arada mən terefede baxarsınız. Çox sağ olun.
Salam, xahiş edirik Mərkəzi Məşğulluq idarəsinə müraciət edəsiniz.
Hörmətlə Ağcabədi rayon Heydər Əliyev Mərkəzi.