Ümummilli Lider Heydər Əliyevin “Anım Günü” ilə əlaqədar olaraq 11 dekabr 2019-cu il tarixdə Ağcabədi RMİ Ağcabədi rayon Heydər Əliyev Mərkəzi və C. İbrahimov adına Ağcabədi şəhər 8 saylı tam orta məktəblə birlikdə anım tədbiri keçirilib.
Tədbirdən öncə məktəblilər Ulu Öndərin Heydər Əliyev Meydanında ucaldılmış əzəmətli abidəsini ziyarət edərək önünə tər-çiçək dəstələri qoyub, Onun əziz xatirəsini yad etdilər. Sonra Mərkəzə ekskursiya edən məktəblilər əvvəlcə foyedə Dahi Liderimizin fəaliyyətini əks etdirən kitab, qəzet və jurnallardan ibarət “Unudulmaz Lider” adlı sərgi ilə tanış oldular.
Ekspozisiya zalında mərkəzin bələdçisi Cavid İsmayılov məktəblilərə Ulu Öndərin həyat və fəaliyyətini əks etdirən eksponatlar əsasında geniş, dolğun məlumat verdi.
Daha sonra Mərkəzin əməkdaşı Rövşanə Əliyeva, 8 saylı məktəbin müəllimləri çıxış edərək Ulu Öndər Heydər Əliyevin şərəfli həyat yolu və fəaliyyəti haqqında məktəblilərə ətraflı məlumat verdilər.
Çıxışlardan sonra məktəblilərin ifasında Ulu Öndərə həsr edilmiş ədəbi-bədii kompozisiya nümayiş etdirildi.
Ağcabədi rayon Heydər Əliyev Mərkəzi 