Dahi bəstəkar, ictimai-siyasi xadim Üzeyir Hacıbəyovun anadan olmasının 131 illik yubileyi ilə əlaqədar olaraq Ağcabədi rayon Heydər Əliyev Mərkəzində 20 sentyabr 2016-ci il tarixindən etibarən başlanan film nümayişləri davam edir.
Üzeyir Hacıbəyovun eyniadlı operettası əsasında ekranlaşdırılmış “O olmasın, bu olsun” və “Arşın mal alan” filmləri Ağcabədi şəhər ümumtəhsil məktəbliləri üçün nümayiş etdirilir. Oxumağa davam et
22 iyun 2016-cı il tarixdə Samux Rayon Mədəniyyət və Turizm İdarəsinin şəbəkəsində fəaliyyət göstərən şəhər uşaq musiqi məktəbində təhsil alan istedadlı şagird və müəllimlərdən ibarət heyət “Dostluq görüşü” adlı layihə çərçivəsində Ağcabədi rayonuna səfər ediblər.
Səfər zamanı qonaqlar, həmçinin Heydər Əliyev Mərkəzinə də ziyarət ediblər.
31 may 2016-cı il tarixdə Heydər Əliyev Mərkəzində fəaliyyət göstərən kurs və dərnəklərin buraxılış mərasimi keçirildi.
Öncə Heydər Əliyev Meydanında “Maraqlar üzrə əl işləri”, “Toxuculuq” və “Rəssamlıq” dərnəklərinin əl işlərindən ibarət sərgi nümayiş olundu. Daha sonra tədbir Heydər Əliyev Mərkəzinin qarşısında davam etdirildi.
Aprelin 2-nə keçən gecə cəbhədə erməni təxribatının qarşısını alarkən qəhrəmanlıqla şəhid olan 1990-cı il təvəllüdlü Qarayev Dilsuz Məmmədağa oğlu bu gün dəfn olunub. Şəhid doğulduğu Ağcabədi rayon Hindarx qəsəbəsində torpağa tapşırılıb. Onun dəfnində Rayon İcra Hakimiyyətinin Başçısı Şahin Məmmədovun iştirakı ilə rayonun idarə, müəssisə və təşkilatları, kənd İcra nümayəndəlikləri, bələdiyyələr, ziyalılar, ağsaqqallar, gənclər, məktəblilər və hərbiçilərdən ibarət 10000 nəfərdən çox rayon sakini,şəhidin qohumları, dostları iştirak ediblər. Dəfn mərasimində “Şəhidlər ölməz, Vətən bölünməz” şüarı səsləndirilib, şəhid əsgər yaylım atəşləri altında son mənzilə yola salınıb.
Bu gün Ulu Öndər Heydər Əliyevin anım günü münasibətilə Ağcabədi Rayon İcra Hakimiyyətinin başçısı cənab Şahin Məmmədov, hüquq-mühafizə orqanlarının rəhbərliyi, hərbi hissələrin zabit və əsgər heyəti, rayon idarə və müəssisələrinin kollektivləri, o cümlədən, rayon sakinləri Heydər Əliyev Mərkəzində oldular.
12 dekabr “Anım günü” ilə əlaqədar Ulu Öndər Heydər Əliyev həsr olunmuş qısa film
Ağcabədi rayon Heydər Əliyev Mərkəzi 